پشاور میں پولیس اور سی ٹی ڈی کی کارروائی کے دوران 3 دہشت گرد ہلاک

پشاور میں پولیس اور کاؤنٹر ٹیررزم ڈیپارٹمنٹ کی مشترکہ کارروائی کے دوران 3 دہشت گرد ہلاک ہوگئے۔

بول نیوز کے مطابق پشاور میں فقیر آباد کے علاقے رنگ روڈ قبرستان میں دہشت گردوں کی موجودگی کی اطلاعات پر پولیس اور کاؤنٹر ٹیررزم ڈیپارٹمنٹ نے مشترکہ کارروائی کی۔

پولیس اور سی ٹی ڈی اہلکاروں کو دیکھ کر دہشت گردوں نے فائرنگ شروع کردی، جوابی کارروائی کے دوران 3 دہشت گرد ہلاک ہوگئے۔

اس خبر کو بھی پڑھیں: شمالی وزیرستان میں سیکورٹی فورسز کا آپریشن

سی ٹی ڈی حکام کا کہنا ہے کہ ہلاک ہونے والے تینوں دہشتت گرد تخریبی کارروائیوں، ٹارگٹ کلنگ اور دیگر سنگین مقدمات میں مطلوب تھے۔

آپریشن کے دوران ہلاک ہونے والے ایک دہشت گرد کی شناخت سلیمان کے نام سے ہوئی ہے، جس کا تعلق باجوڑ سے ہے۔

اس خبر کو بھی پڑھیں: سی ٹی ڈی کی کارروائی، 5 دہشت گرد ہلاک

دہشت گردوں کے قبضے سے 3 کلاشنکوف، پستول اور سیکڑوں گولیوں کے علاوہ مختلف دستاویزات بھی برآمد ہوئی ہیں، جن کی مدد سے دہشت گردوں کے سہولت کاروں اور ساتھیوں کے بارے میں سراغ لگایا جا رہا ہے۔

واضح رہے کہ ملک کے مختلف حصوں خصوصی طور پر خیبر پختونخوا میں دہشت گردوں کی کارروائیاں ایک مرتبہ پھر تیز ہورہی ہیں، دہشت گردوں کے قلع قمع کے لیے سیکیورٹی فورسز اور سول اداروں کی جانب سے مسلسل کارروائیاں جاری ہیں۔

Leave a Comment