وزیراعظم سے سوشل میڈیا پر فریاد کرنے والے شخص کی سنی گئی

وزیراعظم عمران خان سے سوشل میڈیا پر فریاد کرنے والے شخص کی سنی گئی اورسٹیزن پورٹل انتظامیہ نے شکایت کا نوٹس لے لیا۔

گزشتہ روز عبدالصبور خان نامی شخص کی جانب سے وزیراعظم سے سوشل میڈیا پر انصاف کی اپیل کی گئی تھی جس پر وزیراعظم سٹیزن پورٹل انتظامیہ کی جانب سے شکایت کا نوٹس لیا گیا۔

انتظامیہ کے نوٹس کے بعدپنجاب حکومت نے آر ڈی اے میں تعینات انسپکٹر کو معطل کردیا جب کہ انسپکٹر عاصم کے مبینہ رشوت مانگنے کی تحقیقات بھی کی جائیں گی۔

یار رہے اس سے قبل وزیراعظم عمران خان کی خصوصی ہدایات پر قائم کردہ پاکستان سیٹیزن پورٹل نے اوورسیز پاکستانی کو انصاف فراہم کرکے نئی تاریخ رقم کی تھی۔

پاکستان سیٹیزن پورٹل کی وجہ سے اوورسیز پاکستانی کو چھینی گئی 8 کروڑ 80 لاکھ کی رقم اور جائیداد واپس مل گئی، انگلینڈ کے شہری اور اوورسیز پاکستانی عثمان کو اغوا کرکے رقم اور جائیداد زبردستی نام کرائی گئی تھی۔

وزیر اعظم آفس نے شہری کی ویڈیوبھی سوشل میڈیا پر جاری کی ہے۔

شہری عثمان نے اپنے ویڈیو پیغام میں  اس واقعے کی تفصیلات بتاتے ہو ئے کہاکہ میں انگلینڈ سے پاکستان میں کاروبار کرنے آیا تو اغواء کیا گیا، میرے بیٹوں نے پاکستان سیٹیزن پورٹل پر شکایت کی، جس کا فوری طور پر ایکشن لیا گیا۔

 اوورسیز پاکستانی عثمان نے مزید بتایا کہ اب مجھے میری رقم اور جائیداد واپس مل گئی ہے۔

انہوں نے بروقت کارروائی اور انصاف کی فراہمی پر وزیراعظم عمران خان اور سیٹیزن پورٹل کا شکر یہ ادا کیا۔

Leave a Comment